Referendum2026.kz ресми сайты іске қосылды

«Әділетті және Прогрессивті Қазақстанның Халықтық Конституциясын қолдау» жалпыұлттық коалициясы 15 наурызда өтетін референдумға арналған referendum2026.kz ресми сайтын іске қосты. Сайтта негізгі жаңа Ата заң жобасының толық мәтіні жарияланды. Сонымен қатар мұнда сарапшылардың пікірлері және Коалицияның өңірлердегі жұмысына қатысты жаңалықтар тұрақты түрде жарияланып отырады.

Сондай-ақ сайтта Конституцияның мәні мен оның қоғам өміріндегі рөлін тереңірек ұғынуға көмектесетін тақырыптық материалдар, видеоконтент және интерактивті форматтар ұсынылған.