«Референдум–2026» онлайн-марафоны басталды

Жаңа Ата заң жобасын кеңінен талқылауға арналған «Референдум–2026» онлайн-марафоны басталды. 6 сағат бойы жаңа құжат - ашық әрі жан-жақты талданбақ. Шара отандық телеарналар мен ірі интернет-порталдардың ресми сайттарында және әлеуметтік желідегі парақшалары арқылы тікелей эфирде көрсетіледі. Ұлттық арна әр сағаттың басында тікелей эфирге шығып, арнайы хабар таратады. Бұл онлайн-марафон - әр азаматқа жаңа Конституция жобасымен танысып, ел болашағына қатысты ой-пікірлерді саралауға мүмкіндік беретін ашық қоғамдық диалог алаңы. Марафон аясында Конституциялық комиссия мүшелері, қоғам қайраткерлері, заңгерлер мен сарапшылар жиналған 100-ге жуық спикер бір алаңда бас қосады. Пікір алмасулар кешкі сағат 18:00-ге дейін жалғасады.