Жамбыл және Түркістан облысында жолдың кей бөлігі жабылды

Қолайсыз ауа райына байланысты бүгін сағат 13:00-де Жамбыл және Түркістан облысындағы республикалық маңызы бар автожолдардың бірқатар учаскесінде көлік қозғалысы уақытша шектелді. Бұл туралы «ҚазАвтоЖол» баспасөз қызметі хабарлады. Ақпаратқа сәйкес, Ресей шекарасынан Қытай шекарасына дейін апаратын автожолдың учаскелеріндегі 534-593 шақырымдары және 593-654 шақырымдары аралығында жол жабылған. Яғни Жамбыл облысындағы Айша бибі ауылынан Түркістан облысының шекарасына дейін, ал Түркістан Жамбыл облысының шекарасынан бастап Машат ауылына дейін көлік қозғалысы шектелді. Жол ертең шамамен сағат 10:00-де ашылмақ. Ал қосымша ақпарт алу үшін азаматтар 1403 байланыс орталығына хабарласа алады.