Шымкенттегі ғылыми қауымдастық жаңа Конституция жобасын талқылады

Жаңа Конституция ұлттық бірегейлік пен мемлекеттің тұрақтылығын нығайтады. Мұндай пікірді Шымкенттегі ғылыми қауымдастық өкілдері білдірді. Әл-Фараби атындағы қалалық кітапханада өткен дөңгелек үстелде ғалымдар мен сарапшылар Ата заң жобасының негізгі ережелерін талқылады. Олар тарихи құжат азаматтардың құқықтарын қорғап, саяси жүйені жетілдіруге жол ашатынын атап өтті.

Қайрат Анарбаев, Ө.Жәнібеков атындағы ОҚПУ оқытушысы, тарих  ғылымдарының кандидаты:

Баспанадан да соттың шешімінсіз ешқандай да тартып алуға, қуып шығуа болмайтыны туралы айтылған баптар қарапайым халықтың көңілінен шықты деп есептеймін және олардың құқығын қорғаудағы Конституция құқықтық негіз береді.