Шымкентте ағаш құлап, 10 жастағы бала қайтыс болды

Шымкентте қалың жауған қардың салдарынан ағаш құлап, 10 жасар бала қаза тапты. Қайғылы оқиға Елшібек батыр көшесіндегі №114 үйдің ауласында болған. Жедел жәрдем жеткенше бала алған ауыр жарақатынан оқиға орнында көз жұмғаны анықталды. Полиция қылмыстық іс қозғап, тергеуді бастады.

Қала әкімінің тапсырмасымен арнайы комиссия құрылып, оқиғаның мән-жайы тексеріліп жатыр. Жергілікті билік өкілдері марқұмның отбасына барлық қажетті қолдау көрсетілетінін мәлімдеді.