Олимпиада: М.Шайдоров қысқа бағдарламада өнер көрсетеді

Италияның Милан және Кортина-д’Ампеццо қалаларында XXV қысқы Олимпиада ойындарының төртінші жарыс күні өтіп жатыр. Бүгін спортшыларымыз шаңғы жарысы, шорт-трек, фристайл-могул, биатлон бойынша өнер көрсетті. Бірақ қуантарлық нәтиже жоқ. Аздаған сәттен соң мәнерлеп сырғанаудан жарыс басталады. Қазір Миландағы спорт кешеніне әріптесім Азамат Бейбітұлы тікелей байланысқа шыққалы тұр. 

Азамат Бейбітұлы, тілші:

Бүгін қуантарлық жаңалық жоқтың қасы. Жарыс көп болды, бірақ нәтиже біз ойлағандай емес. Шаңғы жарысынан әйелдер арасындағы классикалық спринтер бойынша іріктеуде қыздарымыз үздік 30-дыққа кіре алмады. Ерлер арасында да ұқсас жағдай. Шорт-тректен де бүгінгі үміт шорт кесілді. 500 метрде бақ сынаған Тихонова іріктеуде іркілсе, Хан тайып жығылып, сүрінді. Денис Никиша мың метрде сәтсіз өнер көрсетті. Қуантарлығы - Павел Колмаков супер финалға жолдама алды. Биатлоннан ерлер арасындағы 20 шақырымдағы жекелей жарыс аяқталды. Ел намысын 2 спортшы қорғады. Жігіттер үздік жиырмалық тұрмақ отыздыққа да ілінген жоқ. Владислав Киреев мәре сызығын 53-і, ал Әсет Дүйсенов 74-болып кесті. Фристайл могулдың бірініш іріктеуі де ойдағыдай болмады. Ең үздік көрсеткіш Анастасия Городкаға тиесілі, 12-орын. Ал Юлия Галышева 14, Аяулым Әмренова 20 сатыдан көрінді. Дегенмен үмітімізді үзбейміз. Іріктеудің екінші кезеңінде финалға шығуға мүмкіндік бар.