Қаңтарда 138 мыңнан астам адамға атаулы әлеуметтік көмек көрсетілді

Өткен қаңтар айында 26 мыңға жуық отбасыға атаулы әлеуметтік көмек көрсетілді. Барлығы 2 млрд 300 млн теңге төленген. Қаржылай қолдаудың бұл түрі табысы аз азаматтарға тоқсан сайын тағайындалады. 1 мен 6 жас аралығындағы әр балаға ай сайын 1 жарым айлық есептік көрсеткіш көлемінде бөлінеді. Биыл мектеп жасына дейінгі 42 мыңнан астам балаға қосымша көмек ретінде 270 миллион теңге қарастырылды. Атаулы әлеуметтік көмек алу үшін мансап орталығына барып, өтінім жазу керек. Сондай-ақ онлайн eGov арқылы да өтініш қалдыра аласыз.