Басты Жаңалықтар Атырау облысының Қамысқала ауылына мал азығы жеткізілді

Атырау облысының Қамысқала ауылына мал азығы жеткізілді

09.02.2026 13:24

Атырау облысы Исатай ауданындағы Қамысқала ауылдық округіне 39 тонна мал азығы жеткізілді. Өткен аптада, нөсер жауын қарға ұласып, жердің беті мұздақ болып қатып қалған еді. Түзде жайылған 50-ден астам жылқы жем-шөптің тапшылығынан қырылып қалды. Осы оқиғадан кейін жергілікті әкімдік кәсіпкерлермен келісіп, кеше Батыс Қазақстан облысынан жем жеткізді.

Қалидолда Қадыров, Қамысқала ауылдық округінің тұрғыны:

Биылғы қыс қинап жіберді. Әсіресе жылқы малына қиын. Енді алға қарай осы іс жалғасса. Біз базардан, қолдан 18 кг кебекті 2600-ден алып отыр едік. Мынау халыққа үлкен көмек болып жатыр.

Тұщықұдық және Аққыстау ауылдарына да мал азығы жеткізілмек. Жалпы бидай жемінің 1 келісі нарықта 120-130 теңгеден саудаланады. Ал қазір шаруалар үшін 104 теңгеден беріліп жатыр. Округ аумағында 70 шаруа қожалығы, 204 жеке шаруашылық бар.

Рафиғат Тәжіденова, Қамысқала ауылдық округінің әкімі:

Шаруа қожалықтарына малының санына қарай 20 қаптан, бұл әзірге, жеке шаруашылықтарға қолдарындағы малдарына қарай 5-10 қаптың аралығында әрқайсысы 25 кг тартатын тартылған бидайды 2600 теңгеден беріп жатырмыз. Өзінің құнымен берілуде, тасымал ешқандай қосып жатқан жоқпыз.

Автор

Нұрсұлтан Нұрсейіт

Бөлісу