Неке – ер мен әйелдің ерікті одағы

Конституция жобасында «Некенің ер адам мен әйел адам арасындағы ерікті және тең құқықты одағы» екендігі туралы жаңа бап енгізілген. Бұл шешім дәстүрлі құндылықтарды ең жоғары құқықтық деңгейде қорғауға және отбасы тәрбиесін күшейтуге бағытталған, деп санайды тұрғындар.

Сауалнама:

-         Мен үшін бұл жобада ерекше көргенім, бұл неке институты туралы. Яғни бұл жерде неке бұл ер адам мен әйел адамның ерікті одағы және ол құқықпен негізделген және бұл заң жобасында, яғни Конституция жобасында көріп отырмыз, бұл адамдардың құқықтары сақталатындығы, әйел құқықтарына ерекше көңіл аударылғандығы және бұл дәстүрлі құндылықтарға негізделген.

-         Отбасының жағдайына, отбасы тәрбиесіне көп көңіл бөлінуі керек деп есептейміз. Конституциялық деңгейде «Отбасы дегеніміз – ер адам мен әйел адам одағы деген түсінікті қалыптастыру керек» деп дұрыс тұжырым жасалған. «Отан отбасынан басталады» дейді ғой. Сондықтан ең басты тәрбие - отбасынан.

-         Бұл өте қажетті, өте маңызды және өте ауқымды мәселе деп санау керек. Себебі анау заманнан, «Жеті жарғыдан» бастасақ, біздің елде жазылмаған құндылықтар – заң болуы керек. Бүгінгі Конституцияда сол ең басында айтылған нәрсе қазіргі кезде ретімен халыққа жетіп келе жатыр деп есептейміз.