Волонтерлер жаңа Конституция жобасына ұсыныс білдірді

Ұлттық волонтерлік желі мүшелері жаңа Конституция жобасын қолдайтындарын айтып үндеуді жариялады. Елдің барлық өңірлерінен жиналған еріктілер ұйымдарының өкілдері реформаны жан-жақты талқылап, пікір алмасты. Бірлестік жаңа Конституция жобасы қоғам мен мемлекет арасындағы ортақ міндеттерді шешудегі ынтымақтастықтың негізін қалыптастыратынын жеткізді. Сондай-ақ азаматтар қоғамдық міндеттерді шешуге белсенді қатысуына ықпал етеді деп сенім білдірді.

Айбек Досымбетов, Ұлттық волонтерлер фронт-офисінің жетекшісі:

Әрине бізде волонтерлік бағыт болғаннан кейін 31-баптың 2-тармағына ұсыныс беріліп жатыр. Яғни бұл жерге қайырымдылықпен бірге волонтерлік қызметті де енгізу. Биыл халықаралық волонтерлер жылы Мемлекет басшысының бірден-бір ұсынысымен. Бүкіл әлем қабылдап, қолдау білдіріліп жатыр.