Қарлы боранда қалғандар құтқарылды

Жамбылдағы Сарысу ауданы желмен жанталасып жатқанда Жуалы ауданында қарлы боран үдеп тұр. Ат құлағы көрінбейтін дауылдан Бауыржан Момышұлы-Қошқарата-Қызтоған тас жолы жабылды.

Әсіресе түс қайта 10-ға жуық ауылдың арасында қатынау қиындады. Жалпы Жамбыл облысында соңғы екі күнде күн райы күрт ысып, +17 градусқа дейін жылынып кеткен еді. Артынша бірнеше ауданда қар ұшқындап, жел тұрды. Жуалы жолдарында 8 адам құтқарылды, оның біреуі бала. Ал қар астында қалған 4 автокөлік шығарылды. Қазір «Қазавтожол» қызметі жолды қалың қардан аршу жұмыстарын жүргізіп жатыр.