Ата Заңдағы жаңашылдық – қоғам талқысында

Конституция баптарына енгізіліп жатқан өзгерістер ел болашағы үшін маңызды қадам ретінде бағалануда. Қоғамда Ата заң жобасы кеңінен талқыланып, көпшілік ұсынылған жаңашылдықтарды қолдап отыр. Сарапшылар реформалар мемлекеттің дамуына серпін беріп, адам құқықтарын қорғауды күшейтеді дейді. Сауалнама жүргізілген тұрғындар да заңдағы түзетулерді құптайды.

Сауалнама:

- Қазақстан тәуелсіз, жас мемлекет ретінде Ата заңымызға сүйеніп, нақты мемлекет болып қалыптасты. Ол заңның бастауында Салық Зиманов сияқты ағаларымыз негізін салып кетті. Енді уақыт бір жерде тұрмайды. Мемлекеттің әрі қарай қарыштап дамуы үшін, қазіргі заман жаңалықтарына жауап беретіндей ұсыныстар қабылданып жатыр.

- Реформадағы өзгерістерді толық қолдаймын. Неліктен? Себебі оның ішінде көрсетілген жастарға арналған, жастардың білім алуына, дамуына, қоғамда өз орнын табуына арналған негіздер көрсетілген екен. Сондықтан, толығымен қолдаймын. Және де мен ойлаймын жастар бұл реформада тек сырт көз, бақылаушы емес. Нақты белсенді қатысушысы.

- Конституцияда реформада менің айтайын дегенім Сенатты тарқатып, Бір палаталы  Парламент құрылып жатыр. Ертең референдумда осының бәрі  өтетін шығар-деп ойлап отырмын. Біздің мынау унитарлық мемлекетке осы бір палаталы Парламент дұрыс қой негізі.