Атырауда қызылша өршіп тұр

Атырауда қызылша өршіп тұр. Соңғы бір айда 100-ден аса адам кесел жұқтырған оның 86 пайызы 5 жасқа дейінгі бала. Уақытылы екпе алмағанның  салдарынан ауру үдеп барады дейді дәрігерлер. Ем қабылдап жатқандардың басым бөлігі 1 мен 5 жас аралығындағы балалар. Дегенмен, қазір  ауруханада орын тапшылығы жоқ.

Гүлназ Ербатырова, Облыстық Санитариялық-эпидемиологиялық бақылау департаменті басшысының орынбасары:

Бір жасқа дейінгі балалар екпемен әлі жасы жетпегендіктен осы қызылшамен ауырып отыр. Сонымен қатар 1-5 жас аралығындағылар олар көбінесе өзінің күнтізбеге сәйкес екпесін алмай, бас тартқан ата-аналардың балалары ауырып отыр.

Дәрігерлердің дерегінше,  республика бойынша  ауру кең таралып барады. Бір айда  2000-ға жуық адам қызылша жұқтырған. Астана, Алматы қалалары мен Жамбыл мен Алматы облыстарында қызылша жұқтырғандар көп.

Мейірім Сұлтанова, Ұлттық Қоғамдық денсаулық сақтау орталығы инфекциялық аурулардың алдын-алу департаментінің директоры:

Жалпы қызылша ауруы ауа, тамшы жолымен беріледі. Тиімді алдын алу әдісі - уақытылы егу. Қатынаста болған адамдар бақылауға алынып, оларға қажет жағдайда эпидемиологиялық көрсеткіштер бойынша екпе жүргізіліп және медициналық бақылау, яғни инкубациялық кезеңде тексеру жүргізіледі.