Қазақстан мен Пәкістан өзара тауар айналымын арттыруға бейіл

Қазақстан мен Пәкістан өзара тауар айналымын 1 млрд долларға дейін жеткізеді. Бұл туралы еліміздің Сауда министрлігі айтты. Былтырдың өзінде алыс-беріс екі есе ұлғайып, 100 миллион доллардан асты. Енді ауыл шаруашылығы, химия және мұнай өнеркәсібі, металлургия, фармацевтика салаларына басымдық берілмек. Машина жасау да сауда айналымның маңызды бағыты. Биыл сәуірден бастап Қазақстан Пәкістанға автобус жеткізе бастайды. Келісімге сәйкес, әуелі 108 млн долларға 600 қоғамдық көлік экспортталмақ. Ал келесі жылы 2 мың данасы сатылады деген жоспар бар. Автобустар Алматы қаласындағы кәсіпорында құрастырылады.