Режиссер, актер Балтабай Сейітмамытұлы өмірден өтті

Саналы ғұмырын қазақ сахна өнеріне арнаған актер, режиссер Балтабай Сейітмамытұлы 75 жасында өмірден өтті.

Ол Ғабит Мүсірепов атындағы Қазақ мемлекеттік академиялық балалар мен жасөспірімдер театры, Мұхтар Әуезов атындағы Қазақ ұлттық драма театры  сахналарында, ұлттық театр өнерінің асыл қазынасына айналған көркем бейнелер галереясын қалыптастырды. Әр рөлінде ол адам жанының терең қатпарларын ашып, классикалық драматургия мен заманауи туындыларды философиялық оймен, ішкі рухани ізденіспен сомдай білді дейді театр саңлақтары.

Дулыға Ақмолда, ҚР Халық әртісі:

Ол кісі өзі шыныменде актерлік жағы былай тұрсын, өмірде де ерекше адам еді. Мінезі аңғал, батыр жүректі, таза, өнерге де адал, досқа адал, тік сөйлейтін, жасырып жатуды, астарлап жатуды білмейтін кісі еді.