Конституция жобасын заңгерлер талқылады

Конституция қатып қалған құжат емес. Оның өзгеріске түсуі қоғамның талабы. Бұл дамыған елдердің тәжірибесінде бар. Мәселен 20-шы ғасырда әлемдегі 90-ға жуық мемлекет өз конституциясына өзгеріс енгізген. Сондықтан заңгерлер өзгеріс енген қазақ елінің Ата Заңы да саяси жүйенің жетіліп, азаматтардың құқығы қорғалуына оң өзгерістер әкелеріне сенімді. Өскемендік заңгер-ғалымдар Конститутцияның жобасын талқылады. Жоғарғы оқу орнындағы оқытушылар мен студенттерге қазіргі  қолданыстағы Ата Заң мен енді өзгеріске түсетін баптардың мәні мен мазмұнын түсіндірді. 

Гүлмира Байыркенова, заң ғылымдарының кандидаты:

Азаматтардың адамдардың құқығын кеңейтті деп айтуға болады. Оның кепілдіктерін және тетіктерін де кеңейтті. Мысалы, «Миранда ережесі». Құқық қорғау органдары ұсталған адамға оның ережелерін оның құқықтарымен мүмкіншіліктерін түсіндіреді. Сіз адвокаттың көмегіне жүгінуге құқығыңыз бар. Немесе сіз телефон шалуға мүмкіндігіңіз бар.