Олжас Бектенов: Жаңа Конституция жобасы – болашаққа бағдарланған прогрессивті құжат

Премьер-министр Олжас Бектенов мемлекеттік орган басшылығы мен ғылыми орта өкілдерімен кездесті. Жиында Мемлекет басшысының экономика салаларын цифрлық трансформациялау жөніндегі тапсырмасын орындау аясында ғылым мен нақты сектор кооперациясын нығайту, сондай-ақ ғалымдарды қолдау шаралары талқыланды. Олжас Бектенов жаңа Конституция жобасын ашық әрі нақты түсіндірудің маңызына тоқталды. Құжатта қоғамда болып жатқан жоспарлы саяси және экономикалық өзгерістер көрсетіліп, ел дамуының жаңа бағдарлары, оның ішінде білім, ғылым және инновация саласындағы басымдықтар белгіленген.

Олжас Бектенов, ҚР Премьер-министрі:

Біз Конституция жобасында Президент Қасым-Жомарт Кемелұлы Тоқаевтың «Заң мен тәртіп» жаппай үстемдік құрған, «Әділетті әрі таза Қазақстанды құру» идеясы халықтың кең қолдауына ие болғанын көріп отырмыз. Жауапты әрі жасампаз отаншылдық идеясы басты орынға қойылады. «Күшті Президент – ықпалды Парламент – есеп беретін Үкімет» тұжырымдамасы саяси жүйенің тұрақтылығы мен сабақтастығын орнықтыра түседі.