Жалған әрі бұрмаланған ақпараттарға қарсы күрес күшейтіледі

Үкіметте жалған әрі бұрмаланған ақпаратпен күрес мәселесі көтерілді. Жиында жаңа Конституция жобасын талқылау аясында түсіндіру шараларын ұйымдастыру бойынша талқылау болды. Премьер-министр барлық деңгейдегі министрлік пен әкімдіктерге жаңа Конституция жобасын халыққа жан-жақты түсіндіру жұмысын күшейтуді тапсырды. Әлеуметтік желілер мен мессенджерлерде шындыққа жанаспайтын арандатушылық сипаттағы жазбалар тіркеліп жатыр, - дейді Премьер-министр. Ішкі істер министрлігіне «Заң мен тәртіп» қағидатына сәйкес, жалған мәліметтерді таратқаны үшін қатаң құқықтық әрекет және жауапкершілікке тарту тапсырылды. Үйлестіру ісі Премьер-министрдің орынбасары – Мәдениет және ақпарат министрі Аида Балаеваға жүктелді.