Өскемендегі орта мектептерде сабақ бүгін де онлайн болады

Өскемендегі орта мектептерде сабақ бүгін де онлайн болады. Өйткені қаланы басқан көк түтін әлі сейілмей тұр. Экология департаменті соңғы бес тәулікте қалада екінші дәрежедегі қолайсыз метеорологиялық жағдайдың қалыптасқанын хабарлады. Мамандар жылжымалы зертханамен әр аумақтан сынама алып, ауа құрамын зерттеп жатыр. Нәтижесінде көміртек оксиді, күкірт диоксиді және хлоридтер шекті мөлшерден асып кеткенін анықтады. Сондықтан Өскемендегі ірі өндірістерге Экология департаменті жүктемені 20-дан 40 пайызға дейін төмендетуге ұсыныс берді.