Азық-түлік алаяқтығы: Қандай өнімдерден зиянды қоспа табылды?

Түрлі шай маркаларына тыйым салынды. Олардан синтетикалық бояулар табылды. Бұл - мәселенің бер жағы. Тағам өнеркәсібі сарапшыларының байламынша, азық-түлік қауіпсіздігін сақтау, былай қарасаң, бар, бірақ техникалық шарттарды тексеріп жатқан ешкім жоқ. Өндіруші түрлі қоспаларды қосады, иә, оған рұқсат бар. Бірақ мөлшері қалыпқа сай ма, жоқ па? – оған аса мән берілмейді. Өндірістік фальсификат деген сол. Әсіресе тауық етінен секемденетін едік, бекер емес екен. Өсіретін гормондармен семіртеді. Ол әсіресе бала мен жасөспірімдерге – қалыптасып жатқан қыз балаға да, ер балаға да қауіпті.