«Таза Қазақстан» акциясы аясында 700-ден астам шара өтті

Лисаков қаласының жастары ауылға арнайы барып, көмекке мұқтаж қарт жандардың ауласын қардан тазалауға жәрдемдесті.

Игі шараны колледж студенттері мен еріктілер бірігіп, «Таза Қазақстан» акциясы аясында ұйымдастырған. Шараның мақсаты – қоғамның экологиялық мәдениетін қалыптастырып, әлеуметтік жауапкершілікті нығайту.

Роза Әбілқайыр, Октябрь ауылының тұрғыны:

Осы балаларға көптен көп рақмет. Былтыр да ауылымызға келіп, кардан тазартып берді. Биыл да келіп жатыр.

Жалпы, Қостанай облысында 3 мыңнан аса ерікті түрлі шараларға белсене атсалысып жүр. Олардың қатары жыл сайын артып келеді. Былтыр қостанайлық еріктілер жыл бойы 700-ден астам эко шара ұйымдастырған. Әлеуметтік желілерде де белсенді жұмыс атқарып келеді.

Аружан Сәрсенбаева, ерікті:

Вандалистік жазуларды салып кетеді, вандалистік актілерді жасайды, яғни  қоқыс көп. Соған байланысты жауапкершілік қатал болуы керек. Осы «Жастар рухы» вандализмге жол жоқ акциясын өткізіп, әлеуметтік желілерде көрсетіп, қандай мәселе болғанын, адамдар осы мәселеге қөңіл аударды.