Балаларды психологиялық диагностикасына арналған бірыңғай цифрлық платформа құрылады

Балаларды психологиялық диагностикадан өткізіп, тексеру бойынша бірыңғай цифрлық платформа құрылады. Жоба балалар арасындағы тәуекелдерді ерте анықтауға, психологиялық көмектің қолжетімділігін арттыруға және педагог-психологтардың рөлін күшейтуге бағытталған. Бұл туралы Оқу-ағарту министрлігі хабарлады. Платформа 2026–2030 жылдарға арналған «Қазақстан балалары» тұжырымдамасы аясында іске асырылады. Тұжырымдамада білім беру ұйымдарында педагог-психолог сағатын енгізу, зорлық-зомбылықтан зардап шеккен балаларға көмек көрсету кабинеттерін ашу, педагог-психологтардың кәсіби стандарттарын қайта қарау және мамандардың біліктілігін арттыру көзделген. Сондай-ақ кейс-менеджмент институты дамып, зорлық-зомбылық жағдайларында психологтардың міндетті қатысуы қамтамасыз етіледі.