Басты Жаңалықтар Өрт сөндірушілер мен құтқару қызметі көліктеріне жол бермегендер ескерту алды

Өрт сөндірушілер мен құтқару қызметі көліктеріне жол бермегендер ескерту алды

30.01.2026 13:09

Қарағанды облысының өрт сөндірушілері мен құтқару қызметінің мамандары былтыр 6500-ден астам шұғыл шақыртуға шыққан. Алайда кейбір жүргізушілер арнайы техниканың қозғалысына кедергі келтіріп, жол бермейді. Сол үшін полиция қызметкерлерімен бірлесіп, рейд өтті. Дыбыстық сигнал қосылған қызметтік көліктерге жол бермеген жүргізушілерге ескерту жасалды. Мұндай сәттерде әр минут маңызды. Заң талаптарына сәйкес дыбыстық және жарық дабылы қосылған арнайы көліктерге жол бермеген жүргізушілерге 86 мың 500 теңге айыппұл салынады. Егер бұл жайт қайталанса, айыппұл көлемі ұлғайып, 40 сағатқа дейін қоғамдық жұмысқа тарту жазасы қарастырылған. Қазір тәртіпті бақылау мақсатында 315 арнайы техника бейнекамерамен жабдықталған.

Мақсат Дүйсенбаев, өрт сөндіру және авариялық-құтқару жұмыстарын ұйымдастыру басқармасы басшысының орынбасары:

Кейбір жүргізушілер, ондайлар бар. Әдейі жол бермейтіндер, өткізбейтіндер бар. Олар енді білмейтін де шығар, техника өрт сөндіруге немесе авариялық-құтқару жұмысына бара жатқанын. Әр секунд, әр уақыт бізде адамның өмірі ғой.

Автор

Жандос Бақытұлы

Бөлісу