Өзбекстанда ЖИ қолдану көрсеткіші төмен

Өзбекстан жасанды интеллектіні қолдану деңгейі ең төмен елдердің қатарынан көрінді. Көрші ел әлемдік рейтингте 141-орынға жайғасқан. Ал Қазақстан ЖИ қолдану бойынша 71-орында.

Мұндай деректі «Microsoft» компаниясына қарасты экономика және жасанды интеллект институты жариялады. Зерттеулерге сәйкес, оңтүстік көршімізде жасанды интеллектті пайдалану деңгейі 6,3 пайыз. Бұл көрсеткіш бойынша Өзбекстан рейтингте Сирия мен Шри-Ланкадан кейінгі орында тұр. Мұнан соң тізімде Тәжікстан мен Түрікменстан жайғасқан. Бұл институттың мәліметіне сәйкес, Қазақстанда жасанды интеллектті қолдану 13,7% деңгейін көрсетті. Тиісінше, еліміз әлемдік рейтингте 71-орыннан көрінді.