Президент Жоғарғы сот төрағасын қабылдады

Елімізде Әкімшілік құқық бұзушылықтар туралы іс саны 11,8 пайызға азайды. Бұл туралы Президенттің қабылдауында болып, былтырғы жұмыс қорытындысы мен жоспарын баяндаған Жоғарғы Сот төрағасы Асламбек Мерғалиев айтты. Кассациялық сотқа сұраныстың жоғары екені байқалды. Жарты жыл ішінде Кассациялық сотқа 16мыңнан аса арыз-шағым мен наразылық түскен. Рақымшылық актісін жариялау арқылы 583 адам жазадан, 5 мыңнан аса сотталушы жазасын одан әрі өтеуден босатылды, 9,2 мың адамның жаза мерзімі қысқартылған. Президент «Заң және тәртіп» қағидатын жүзеге асырудың, қоғамның сот жүйесіне сенімін арттырудың маңызын атап өтті.