Бүгін алматылық «Қайрат» үшін УЕФА Чемпиондар лигасындағы соңғы матч

Бүгін алматылық «Қайрат» биылғы UEFA Чемпиондар лигасындағы соңғы матчын өткізеді. Қазақстандық клуб сырт алаңда Англияның «Арсеналына» қарсы ойнайды. Ағылшын гранды әзірше турнир кестесінде көш бастап тұр. Команда 7 тур бойы жеңілмеген әрі бірде-бір ұпай жоғалтпаған. Ал «Қайрат» 1 ұпаймен соңғы орында тұр. Маңызды матчты бүгін түнгі сағат 1:00-де «Qazaqstan» Ұлттық арнасынан тікелей эфирде көре аласыздар.