Түркі елдері табиғи апат кезінде жоспарды бірге құрады

Енді Түркі елдері табиғи апаттар мен төтенше жағдайлар кезінде бірлескен жоспар құрады. Бес ел арасында «Азаматтық қорғау тетігін құру» туралы келісімге қол қойылмақ. Бүгін Мәжіліс депутаттары тиісті заң жобасы қарады. Келісім аясында тұрақты түрде оқу-жаттығулар өтеді. Құтқару операцияларына мамандарды даярлаудың бірыңғай стандарты бекітіледі. Сондай-ақ комиссия жасақталып, құтқару бөлімшелерінің жай-күйін тексереді. Бұл түркі елдерінің жаһандық аренадағы жауапты әрі сенімді әріптестік рөлін де нығайта түседі дейді депутаттар.
Абзал Құспан, Мәжіліс депутаты:

Апат айтып келмейді. Су тасқыны бола ма, өрт бола ма - осындай келісімді ратификациялап отырмыз. Сондықтан да бұл - қолдауға тұрарлық ағайын мемлекеттердің ісі. Алғашқы жарналар бекітілді.  Қазақстан міндетті түрде төлейді. Жарна негізінде жұмыс істейді.