Жамбыл облысында интернет-алаяқтық 3 есе өскен

Былтыр Жамбыл облысында интернет алаяқтыққа қатысты 784 қылмыс тіркелген. Бұл алдыңғы жылмен салыстырғанда қылмыстың 3 есе өскенін көрсетті. Ал биыл жыл басталысымен 64 оқиға тіркелген.  

Сондықтан құқық қорғау қызметкерлерінен құралған «Заң мен тәртіп» профилактикалық керуені Тараз тұрғындарына құқықтық кеңес берді. Мобильді топтың құрамында прокуратура, полиция өкілдері, заңгерлер мен психологтар бар. Олар бұған дейін аудандарды аралап келген болатын.

2026 жылдың 1 ай қорытындысына сай қазір 64 дерек тіркеліп отыр. Жасөспірімдер арасында болып отырған «кибербуллинг», «киберсталкинг» қылмыстарын ерекше атап айтсақ болады. Күнделікті біз полиция қызметкерлері халық арасында және халық көп шоғырланатын жерлерде профилактикалық жұмыстар жүргізудеміз.