Премьер-министр ExxonMobil компаниясының аға вице-президентімен кездесті

Премьер-министр Олжас Бектенов ExxonMobil компаниясының аға вице-президенті Питер Ларденмен кездесіп, мұнай-газ саласындағы ынтымақтастық мәселелерін талқылады. Теңіз, Қашаған және Каспий құбыр консорциумы сынды бірлескен жобаларға қатысты пікір алмасты. Премьер-министр Теңіздің жағдайына алаңдаушылық білдірді. Болған апаттың салдарын аз уақыттың ішінде жою және келешекте мұндай оқиғалардың алдын алу үшін қажет шаралар қабылдау бойынша жеделдетілген жұмыстың маңызын атап өтті. Сондай-ақ Каспий құбыр консорциумы төңірегіндегі жағдай да назардан тыс қалған жоқ. Тараптар маңызды инфрақұрылымдық нысанның тұрақты жұмыс істеуіне ортақ қызығушылық танытты.