Ұлттық қордан балалар шотына 130 долларға дейін түсуі мүмкін

Биыл Ұлттық қордан балалардың шотына 130 долларға дейін түсуі мүмкін. Бұл туралы Ұлттық банк төрағасы Тимур Сүлейменов айтты. Былтыр қорға жылдағыдан 15 пайыз көп табыс келген. Кезекті төлем соның есебінен  ақпанда беріледі. Еске салсақ, бұл жоба 2024 жылы басталған еді. Содан бері балалардың шотына Ұлттық қордың инвестициялық табысының 50 пайызы аударылып отырады.

Тимур Сүлейменов, ҚР Ұлттық банкі төрағасы:

Бүгінге дейін қорда 87 млрд доллар жиналды. Әр баланың шотына шамамен 100-130 доллардың аралығында түсуі мүмкін. Нақты сомасы 1 ақпаннан кейін белгілі болады.