Ұлттық құрылтайда ел дамуының жаңа бағыттары айқындалды

Қызылордада өткен Ұлттық құрылтайда Әділетті Қазақстанның жаңа моделі айқындалды. Сенат төрағасы Мәулен Әшімбаев осылай деді. «Алқалы жиында заң үстемдігін нығайту, мемлекеттік басқару жүйесін жетілдіру жайы көтерілді. Жоғарғы палата елдің әлеуметтік-экономикалық дамуына ықпал ететін реформаларды сапалы іске асыру бағытында жұмысын жалғастырады»,-деді Сенат спикері.

Конституциялық және Парламенттік реформаға қатысты нақты ұсыныстар айтылды. Сенат депутаттары Мемлекет басшысының елімізді дамытуға арналған бастамаларын толық қолдай отырып, оларды ілгерілетуге өз үлесін қосады.