Н.Серікбайдың өлімі: Полицейлердің үстінен қылмыстық іс қозғалды

21 жастағы Нұрай Серікбайдың қазасынанан кейін полиция қызметкерлерінің үстінен қылмыстық іс қозғалды. Бұл туралы Ішкі істер министрінің орынбасары Санжар Әділов мәлімдеді. Оның айтуынша, іс тіркелген күні бірнеше қызметкер жұмыстан шығарылды. Атап айтқанда, тәртіптік комиссияның шешімімен Шымкент қалалық полиция департаментінің басшысы, оның орынбасары, қалалық полиция басқармасының жетекшісі қызметтен босатылды. Сондай-ақ мән-жайды біле тұра қылмыстық іс қозғамай, кейінге қалдырған лауазымды тұлғалар жауапқа тартылды. Оқиға 11 қаңтар күні Шымкентте болған еді. Нұрай Серікбай есімді бойжеткенді танысы аяусыз пышақтап өлтіріп, қашып кетті.