Жеке деректерді таратқандардың үстінен қылмыстық іс қозғалады

Жеке деректерді таратқандарды қылмыстық жауапкершілікке тарту керек. Үкімет отырысында Жасанды интеллект және цифрлық даму вице-министрі Ростислав Коняшкин осылай деді. Ол цифрлық қауіпсіздік ережелерін бұзғандарға айыппұл көлемін бірнеше есе арттырып, 5 мың айлық есептік көрсеткіш, яғни 18 миллион теңгеге дейін жеткізуді ұсынды. Ал қылмыстық жауапкершілік жеке мәліметтер жаппай тарап кеткен жағдайда енгізілуі мүмкін.  Айта кетейік, бұл мәселеге кеше Қызылорда да өткен Ұлттық құрылтайда Мемлекет басшысы арнайы тоқталған еді.