Елімізде білім, ғылым және жоғары технология саласына қомақты инвестиция салынады

Елімізде білім, ғылым және жоғары технология саласына қомақты инвестиция салынады. Бұл туралы құрылтайда Мемлекет басшысы Қасым-Жомарт Тоқаев айтқан еді.

Президент Адам капиталының сапасын арттыру айрықша міндет екеніне де ерекше тоқталды. Бұл пікірге отандық ғалымдар мен жоғарғы оқу орындарының оқытушылары қолдау білдіріп отыр. Өйткені елдің дамуы үшін білімді ұрпақ тәрбиелеу ісі басты назарда болуы тиіс. Әрбір бастама уақытша құбылысқа, науқаншылыққа айналмауы керек екенін тапсырған.

Айнұр Болысбаева, философия докторы:

Мемлекет басшымыз болашақта ғылымға одан әрі қарай көңіл бөлуді жоғарылату мақсатын алға қойып отыр. Әрине ол нақты қадамдармен, көзбояушылық емес, белгілі бір нақты, шынайы қадамдарға негіз алуымыз қажет деген идеяларды тастап отыр. Сондықтан да өзім оқытушы ретінде бұл идеяларды толыққанды қолдап, болашақта өзінің рөлі жоғары болатынын да атап өткім келеді.