«Қайрат» – «Брюгге»: Астанада қауіпсіздік күшейтілді

Бүгін Астанада «Қайрат» – «Брюгге» матчы өтеді. Осыған орай қалада қауіпсіздік шаралары күшейтілді. Барлығы 2800-ге жуық полиция қызметкері жұмылдырылады. Сондай-ақ Ұлттық ұлан әскерилері де қызмет етпек. Бұл қоғамдық тәртіпті сақтау және құқық бұзушылықтардың алдын алу үшін жасалып отыр. Шетелдік жанкүйерлер мен қонақтардың келуін қадағалау мақсатында арнайы шаралар ұйымдастырылған. Ал қала бойынша қосымша автобустар қатынайды.