Интернет-алаяқтармен күрес күшейді

Жетісу облысында интернет-алаяқтықтың алдын алу және тұрғындардың цифрлық сауатын арттыру мақсатында профилактикалық акция өтті. Тәртіп сақшылары тұрғындарға 1500-ден астам ақпараттық жадынама таратты. Адам көп шоғырланатын орындарда, базарларда, сауда орталықтарында, көшелерде түсіндіру жұмыстарын жүргізді. Сондай-ақ жеке деректерді бөгде адамдарға берудің салдары айтылды. Өзін банк, полиция немесе қауіпсіздік қызметінің өкілі ретінде таныстыратын алаяқтардан сақ болу, онлайн саудадағы қауіптер, жалған хабарландырулар мен күмәнді сілтемелердің қаупі түсіндірілді.