Сәбіз экспортына тосқауыл қойылмайды

Сәбіз экспортына тосқауыл қойылмайды. Үкімет бұл мәселені ведомствоаралық комиссия қарауынан алып тастады деп хабарлады   Мәжіліс депутаты Нұржан Әшімбетов. Яғни өткен жиын-терімде жылдағыдан мол өнім жинаған керекулік фермерлердің маңдайтері ақталатын болды. Себебі бір ғана Павлодар облысының шаруалары қазір 70 мың тоннадан астам сәбізді сата алмай отыр. Ішкі нарықтағы сұраныс көлемі небәрі 5 мың тонна. Сондықтан Үкіметтің бұл шешім қыруар өнімді рәсуә қылудан қорғап қалды дейді депутат.