Қаржы нарығын реттеу және банкроттыққа қатысты заң қабылданды

Президент қаржы нарығын реттеу және дамыту, байланыс және банкроттық мәселесіне қатысты заңға қол қойды. Енді цифрлық теңге бүкіл ел аумағында қолданысқа енеді. Бұрын ол пилоттық жоба ретінде бірнеше өңірде ғана болған еді. Бұл бастама шалғай өңірлерде банктік қызметтерді қолжетімді етіп, қазынадан бөлінетін қомақты қаржының қайда, қалай жұмсалғанын бақылауға көмек береді. Бұдан бөлек банкроттықты рәсімдеу жеңілдейді. Бұрын сотқа барып, шешім қабылданғанша жарты жыл күту керек болатын. Банк кейде келісім бермей, ұзаққа созады. Енді қаржылық омбудсмен мәселені тезірек реттеуге көмек береді. Оларға істі сотқа жеткізбей шешім шығаратын құзірет берілді.