Демалыс күндері аяз күшейеді

Қазгидрометтің алдағы демалыс күндеріне жасаған болжамы көңіл көншітпейді. Шығыс және солтүстік өңірлерде аяз күшейеді. Оған Сібірден келген антициклон себеп дейді. Ал оңтүстік циклон республиканың батысы мен оңтүстігіндегі ауа райына әсер етеді. Бұл аймақтарда қар, бұрқасын, көктайғақ күтіледі. Түркістан, Жамбыл және Алматы облыстарында қатты жауын-шашын, қар жаууы ықтимал.
Аружан Мұратова, «Қазгидромет» РМК баспасөз хатшысы:

Жаңа аптаның басында республиканың солтүстігіне, солтүстік-батысына және орталығына кезекті солтүстік-батыс циклон ығысып, қар мен бұрқасын әкеледі, сондай-ақ аталған өңірлерде ауа температурасының біртіндеп жоғарылауы күтіледі. Республика бойынша тұман түседі деп болжанады.