Жылыту маусымы басталғалы 1889 өрт тіркелген

Жылыту маусымы басталғалы, яғни 2025 жылдың 1 қазанынан бері 1889 өрт тіркелген. Мұны Төтенше жағдайлар министрлігі арнайы брифингте хабарлады. Дегенмен бұл өткен маусым көрсеткішімен салыстырғанда 12 пайызға төмен деп отыр. Биыл автономды жылыту жүйесімен 1,3 млн астам үй қамтылып, тұрғындармен қауіпсіздік бойынша шаралар өткізілді. 

Елімізде «Өрт қауіпсіздігі айлығы», «Қауіпсіз пеш», «Таза мұржа», «Көмек қолы» ауқымды профилактикалық акциялары өткізілді. ТЖМ есебінде халықтың әлеуметтік осал топтарының 108 мың тұрғын үйі, сондай-ақ 225 мыңнан астам көпбалалы отбасы бар. Оларға үйлерін өрт қауіпсіз күйге келтіру бойынша көмек көрсетілуде.