«Qazsport» телеарнасы «Халықтың сүйіктісі – 2025» марапатын иеленді

«Qazsport» телеарнасы «Халықтың сүйіктісі» атанды. Кеше Астанада «Халықтың сүйіктісі» ұлттық сыйлығының салтанатты марапаттау рәсімі өтті. Үздіктер анықталған шара барысында «Qazsport» телеарнасы, «Табыс және даму» номинациясын иеленді. Еліміздегі тұңғыш спорттық телеарна, 2013 жылдан бастап хабар таратып келеді. Телеарна әлемдік деңгейдегі ірі спорттық жарыстар, халықаралық чемпионат, құрлықтық біріншіліктер мен Олимпиада ойындарынан тікелей көрсетілімдер ұсынады. Ұлттық сыйлықтың биылғы 15-ші маусымында жағңадан тағы екі аталым қосылған. Сұлтанбек Бекешев «Жылдың жастар көшбасшысы» болса, Асхат Аймағамбетов «Жылдың медиа тұлғасы» атанды.