Таиландта 2 жастағы баланы отандасымыз аман алып қалды

Алматы қаласының медициналық жедел жәрдем қызметінің фельдшері Гауһар Әкімова Таиландтың Пхукет аралында жүріп, Ресейден демалысқа келген екі жасар баланың өмірін сақтап қалды. Оқиға демалыс аймағында болған. Баланың туыстарының айтуынша, қыз бала бірнеше күн дұрыс тамақтанбай, тек сорпа ішкен. Салдарынан құрысу белгілері болған. Гауһар Әкімова бүлдіршіннің жағдайын дереу тексеріп, алғашқы медициналық көмек көрсетіпті.

Гауһар Әкімова, Алматы қалалық медициналық жедел жәрдем қызметінің фельдшері:

Үш күн бұрын температура болған балада, іш өткен, құсқан. Үш күннен бері бала тамақтанбаған. Баланы қырынан жатқызып қойып, кішкене желдетіп, салқындатып, Біраз уақыт өткеннен кейін кішкене бала біртіндеп көзін ашып, толық демалып, өз өзіне келе бастады.