Қордай асуында жол жабылды

Қар қылауласа дереу жабылып қалатын Қордай асуында тағы да көліктер тоқтап тұр. Тәртіп сақшылары таңнан бері жол қозғалысын шектеді.  

Өйткені Алматы бағытындағы автобан бойында күн райы күрт нашарлап, қар аралас жаңбыр жауған. Арты көктайғаққа ұласуы салдарынан полиция жолаушыларға жол көрсетіп, көліктерді автодәліз арқылы алып жүрген. Енді қазір суыра соққан қарлы желдің соңы қатты боранға ұласуы мүмкін. Сондықтан жаңа Қордай асуы аумағындағы автожолдың 159 және 238 шақырым аралығы барлық көлік түрлері үшін уақытша жабық. Полиция жүргізушілерден алыс жолға шықпауды, жылдамдықты асырмауды сұрайды.