Air Astana Иран аспанын айналып ұшатын болды

Иранның әуе кеңістігінің жабылуына байланысты Air Astana әуе компаниясы кейбір тұрақты және чартерлік рейстердің бағыты өзгергенін хабарлады. Шарм-эль-Шейх, Дубай, Доха және Медина бағытындағы ұшақтар Иранның әуе кеңістігін айналып ұшатын болады. Әуе компаниясы жағдайды мұқият бақылап отырғанын және қажет болған жағдайда ұшу кестесіне жедел түрде түзетулер енгізілетінін атап өтті. Сондықтан жолаушылар рейстердің мәртебесін алдын ала тексеріп отырған жөн.