Зейнетақы жинағымен емделуге жарты жылдан кейін рұқсат беріледі

Азаматтар бірыңғай жинақтаушы зейнетақы қорындағы қаражатын ем-домға жарты жылдан кейін ғана қолдана алады. Бұл туралы «Отбасы банкінің» басқарма төрайымы Ляззат Ибрагимова айтты. Себебі порталда радиохирургия бойынша өтінімдер саны күрт артып кеткен. Бұрын олардың саны айына 10-нан аспайтын. Ал 12 қаңтарға қарай мұндай өтінімдер саны 7 мыңға жетіпті. Операциялар жүргізілуі тиіс деп көрсетілген клиникаларға тексеріс жүргізгенде олардың кейбірінде қажетті жабдық та, тиісті мамандар да болмаған. Ал бір клиника көрсетілген мекенжайда мүлде табылмаған. Сондықтан заңсыз іс-әрекеттердің алдын алу жұмысын жүргізіп жатыр. Алдағы 6–9 айдың ішінде жекелеген операция түрлерін қайта іске қосу жоспарланған.