Атырауда көктайғақ салдарынан бірнеше бағытта жол жабылды

Астанада ауа райының қолайсыздығына байланысты бүгін де 9-сыныпқа дейінгі оқушылар қашықтан оқиды. Ал Атырауда көктайғақ салдарынан бірнеше бағытта жол жабылып, 71 мектеп онлайн форматқа көшті. Кеше кешке жаңбыр аралас қар жауып, артынша аяз күшейді. Республикалық маңызы бар Атыраудан-Ресей шекарасына дейінгі тас жол барлық көлік түріне жабық.Сондай-ақ облыстық маңызы бар Атырау-Индер-Қарабау жолына да шектеу қойылды. Коммуналдық мекемелер жолды тазалауға кірісті. Бір түннің өзінде жедел жәрдем станциясына тайып құлаған 100-ден аса тұрғыннан шақырту түскен.