Қойшылар үшін зейнет жасы төмендеуі мүмкін

Мал шаруашылығында еңбек ететін азаматтар үшін зейнет жасы төмендеуі мүмкін. Бұл агробизнес пен мал шаруашылығын дамытуға арналған 4 жылдық жоспарда қарастырылған. Құжат саладағы өндіріс көлемін арттыруға, өнімділікті өсіруге және экспорттық әлеуетті күшейтуге бағытталып отыр. Қойшылар мен бақташылар үшін зейнет жасын төмендетуден бөлек, әскерге шақыруды кейінгі шегеру, балаларға білім гранттарын бөлуде басымдық беру сынды әлеуметтік қолдау түрлері бар. Кешенді жоспар аясында мал шаруашылығын қаржыландыруды қолжетімді етпек. Мәселен, асыл тұқымды мал сатып алуға 6 пайызбен ұзақ мерзімді жеңілдетілген несие беру және өзге де жеңілдіктер қарастырылған.