Парламенттік реформаның мақсаты – халық билігін күшейту

Президенттің «Turkistan» газетіне берген сұхбатын саяси құжат деуге болады. Мәжіліс депутаттары: «Парламенттік реформа – жай ғана Сенатты алып тастау емес, бұл – Парламентті, яғни халық өкілдерінің билігін күшейту» деген пікірде.

Снежана Имашева, ҚР Парламенті Мәжілісінің депутаты:

Реформаға бастамашы болған, әрине, біздің Мемлекет басшысы Қасым-Жомарт Тоқаев. Ең бастысы, бұл - жай ғана Сенатты алып тастау емес, бұл - үлкен, ауқымды саяси реформа. Бұл - Парламентті күшейту. Парламент - халықтың билігі, яғни депутаттардан тұрады. Депутаттар - халық өкілі. Сайлаушылардың, яки азаматтардың, қоғамның билігін күшейту үшін Парламент күшеюі керек. Реформаның ең басты мақсаты осы.