Абай облысында туризмді дамытуға мүмкіндік мол

Президенттің «Түркістан» газетіне берген сұхбатында туризмді дамыту ел экономикасының маңызды бағыты ретінде аталды. Қазақстан табиғи және тарихи мұраларға өте бай. Түркістанмен қатар Абай облысы да рухани туризмнің ірі орталығы саналады. Семей өңіріндегі Абайдың тарихи мекендері, киелі орындар мен табиғаты көркем аймақтар туристерді  тартуға зор мүмкіндік береді. Сондықтан мемлекеттік қолдау арқылы туризмді өңірлердің дамуына серпін беретін сала ретінде қарайтын кез келді, дейді мамандар.

Мақсат Кәрібаев, Шәкәрім Университетінің проректоры:

Туризмді дамыту. Қатты мән беріліп жатқаны айтылды. Қазіргі мынау тарихы кең, табиғаты бай Қазақстан үшін бұл туризмді дамыту негізгі бір көрсеткіштердің бірі деп ойлаймын. Соның ішінде экотуризді дамыту, мына тарихи-мәдени құндылықтарымызды дамыту – бізді болашақта халықаралық деңгейде одан әрі танытуға, сонымен қатар инвестиция тартуға, сонымен айналып келген кезде жұмыс орнын ашып, өңірдің дамуына үлкен мүмкіндік береді.