Жалған хабарлама таратқандар жазаға тартылады

Жалған хабарлама таратқандар ауыр жазаға тартылуы мүмкін. Ішкі істер министрлігі қазақстандықтарға үндеу жасады. Ведомство терроризм актілері туралы жалған ақпарат тарату қылмыс екенін ескертеді. Министрліктің мәліметінше, мұндай хабарламалар қоғам қауіпсіздігін бұзып, жаппай эвакуацияға, мемлекеттік және әлеуметтік нысандардың жұмысының уақытша тоқтатылуына әкеледі. Қолданыстағы заңнамаға сәйкес, терроризм туралы жалған ақпарат таратқандар бас бостандығынан айырылуы мүмкін. Полиция азаматтарды, әсіресе ата-аналарды балаларға интернет пен мессенджерлердегі жауапкершілікті түсіндіруге шақырады.